![](https://pranmancha.com/wp-content/uploads/2024/04/IMG_20240427_074818-scaled.jpg)
![](https://pranmancha.com/wp-content/uploads/2024/04/IMG_20240427_074818-scaled.jpg)
![](https://pranmancha.com/wp-content/uploads/2024/04/IMG_20240427_074818-scaled.jpg)
इलाम-२ मा ४२ वटा वडामा मतदान हुनेछ । जसमा ७९ वटा मतदान स्थल, १ सय ४९ वटा मतदान केन्द्र रहेका छन् । मतदान सहज बनाउन ७ सय ४५ जना कर्मचारी खटिएका छन् । त्यस्तै इलाममा १ लाख १५ हजार ८ सय ८९ मतदाता छन् । यी मतदातामध्ये ४ सय २२ जना नयाँ मतदाता थपिएका हुन् । सबै मतदाताहरुलाई पुग्ने गरी निर्वाचनका सामग्रीको व्यवस्था गरिएको छ ।
मुख्य निर्वाचन अधिकृत घिमिरेले मतदातालाई निर्भिकतापूर्वक मतदान गर्न पाउने व्यवस्था मिलाएको र सुरक्षित किसिमबाट मतपेटिका गणनास्थलमा लैजाने बताए ।
पुरुष तथा महिलाका लागि अलग-अलग लाइनमा बसेर मतदान गर्न सक्नेगरी व्यवस्थापन गरिएको छ । मतदान केन्द्रहरूको नेपाली सेनाको हवाई गस्तीको प्रबन्ध पनि मिलाइएको छ । मुख्य निर्वाचन अधिकृतको कार्यालयका अनुसार इलाम-२ बाट प्रतिनिधि सभा सदस्यका लागि १९ जना उम्मेदवार चुनावी मैदानमा छन् ।
यसैगरि बझाङ -१ को उपनिर्वाचनको लागि पनि मतदान सुरु भएको छ । बझाङ -१मा मतदानका लागि ७४ मतदान स्थलमा ९३ वटै मतदान केन्द्रमा मतदाता उत्साहित रूपमा सहभागी भएको मुख्य निर्वाचन अधिकृतको कार्यालय बझाङका सूचना अधिकारी प्रकाशबहादुर सिंहले बताए । मतदान केन्द्र र मतदाताको सुरक्षाका लागि एक हजार पाँच सयबढी सुरक्षाकर्मीहरु परिचालन गरिएको बझाङका प्रमुख जिल्ला अधिकारी विश्वामित्र कुइकेलले बताए ।
![](https://kantipurtv-assets-cdn.ekantipur.com/uploads/source/news/2024/miscellaneous/KTV2024042707h04m09s261-1714180874.jpg)
![](https://kantipurtv-assets-cdn.ekantipur.com/uploads/source/news/2024/miscellaneous/KTV2024042707h04m09s261-1714180874.jpg)
-का.स.