१५ जेठ, काठमाडौं
सरकारले घोषणा गरेको २०८१/८२ को बजेटमा युाव तथा खेलकुद मन्त्रालय मातहतमा रहेका खेलकुद पूर्वाधार निमार्णलाई सरकारले १ अर्ब ३० करोड बजेट विनियोजन गरेको छ ।
पूर्वाधार विकासमा विशेषतः क्रिकेट रंगशाला निमार्णलाई प्राथमिकतामा राखिएको छ । जसमा काठमाडौंमा रहेको मुलपानी क्रिकेट रंगशाला र विराटनगरको गिरिजाबाबु क्रिकेट रंगशालालाई राष्ट्रिय गौरवको आयोजनाको रुपमा विकास गरिने बजेटमा प्रस्तुत गरिएको छ ।
भरतपुरमा निमार्णधिन अवस्थामा रहेको गौतमबुद्ध क्रिकेट रंगशाला संघ, प्रदेश र स्थानीय तहको अधिनमा निमार्ण गरिने बजेट अर्थमन्त्री बर्षमान पुनले घोषणा गरेका हुन् ।
त्यस्तै, किर्तिपुर क्रिकेट रंगशालाको स्तर उन्नति र फाप्ला क्रिकेट मैदान निमार्णलाई पूर्णता दिइने बजेट घोषणामा बताइएको छ ।
यो वर्ष पूर्वाधारमा पनि बजेट बढेर आएको छ । चालु आर्थिक वर्ष ०८०/८१ को बजेटमा भने ७२ करोड ८० लाख विनियोजन भएको थियो ।
