Pranmancha

Advertisment

SKIP THIS

भारतमा पुष्पक रेल दुर्घटना, ११ जनाको मृत्यु

९ माघ, नयाँ दिल्ली 

महाराष्ट्रको जलगाउँ जिल्लामा भएको रेल दुर्घटनामा मृत्यु हुनेको संख्या ११ पुगेको छ । भुसावल रेलवे डिभिजनका जनसम्पर्क अधिकृतले बीबीसी मराठीलाई यो कुराको पुष्टि गरेका हुन् ।

पीआरओका अनुसार लखनऊबाट मुम्बई जाँदै गरेको यो रेल महाराष्ट्रको जलगाउँ जिल्लाको रेलवे ट्र्याकमा थियो । यात्रुहरू सवार एउटा आगो लागेको आशंका गरिएको थियो । त्यसैले यात्रीहरू ट्र्याकको अर्कोतिर हाम फाले । त्यही समयमा  सोही ट्र्याक भएर गइरहेको कर्नाटक एक्सप्रेसमा  केही मानिसहरू ठोक्किएर मृत्यु भएको बताइएको छ ।

अन्य कयौँ घाइते भएका छन् । कर्नाटक एक्सप्रेस मनमाडबाट भुसावल जाँदै थियो । घटनामा १२ जना घाइते भएका छन र उनीहरूको पाचोरा ग्रामीण अस्पतालमा उपचार भइरहेको छ । महाराष्ट्रका मुख्यमन्त्री देवेन्द्र फडणवीसले यस घटनाप्रति दुःख व्यक्त गरेका छन् ।

घटनास्थलमा आठवटा एम्बुलेन्स पठाइएको मुख्यमन्त्रीले बताए। घाइतेहरूको उपचारका लागि नजिकैका निजी अस्पतालहरूलाई पनि सतर्क राखिएको भनिएको  छ । हामी सम्पूर्ण घटनाको निगरानी भइरहेको र तुरुन्तै सबै आवश्यक सहयोग उपलब्ध गराइरहेको पनि उनले बताए ।

प्रतिक्रिया दिनुहोस !

सम्बन्धित समाचार

© 2025 Pranmancha All right reserved Site By : Himal Creation