काेराेना कहर हाेस् वा अन्य भइपरि आउने घटना, विपन्न परिवारमा परेकाे बिरामी हाेस् वा दुर्घटनाजन्य मुद्दा मामिला उनी पछिल्लो समय हरेक जनका समस्याहरुलाई नजिकैबाट नियाल्ने, समाधान गर्नेसम्मकाे सहयात्री बनिरहेका छन् । हाल झिमरुक गाउँपालीकाकाे उपाध्यक्ष रहेका प्रमाेद दिनदुखीमा स-साना तर जटिल समस्यालाई सहयाेग गर्न पाउँदा निकै खुसी र फुर्तिला देखिन्छन् ।
यसैकाे निरन्तरता स्वरुप उनले मंगलबार परेकाे आफ्नो जन्म दिनकाे अवसर पारि विपन्न परिवारलाई खाद्यान्न सहयाेग गरेका छन् । प्यूठानको झिमरुक गाउँपालिका ६ मर्कावाङका पाँच घरधुरीलाई उनले प्रति परिवारलाई करिब ५ हजारकाे खाद्यान्न हस्तान्तरण गरेका हुन् । सहयाेग पाउनेहरु चुमा पुन, माया पुन, दुजमान पुन, धना पुन र दिलमाया पुनकाे परिवार रहेकाे प्रमाेद पाेख्रेलले बताए । प्रति परिवारलाई उनले एक बाेरा चामल, तेल, दाल, नुन लगायतका सामाग्री हस्तान्तरण गरेका हुन् ।
चालिस (४०) वर्ष पुगेर एक्चालिस (४१) टेकेका पाेख्रेलले झिमरुकवासी तथा जिल्लावासीका सबैखाले समस्या समाधन र सहयाेगमा आफु निरन्तर लागिरहने पनि प्रतिबद्धता व्यक्त गरे । उनले जन्मदिन वा अन्य कर्मकाण्डी काममा अनावश्यक फजुल खर्च गर्नुभन्दा गरिब दुखीकाे उद्दार तथा अन्य सामाजिक कार्यमा सबै तह र तप्काबाट खर्च गर्ने बानीकाे विकास गर्न जरुरी भएको पनि बताएका छन् ।
