रुपन्देही जिल्ला भित्र रहेका पब्लिक तथा प्राइभेट क्याम्पस स्टाफफहरुका लागि तीन दिने सिर्जनात्मक लेखनका लागि गुणस्तरीय डाटा व्यवस्थापन तथा विश्लेषणात्मक तालिम बुटवल कालिका क्याम्पसमा शुक्रबारबाट सुरु भएको छ ।
विश्वविद्यालय अनुदान आयाेगकाे सहयाेगमा गरिएको साे खाेजमुलक तालिमकाे सहजकर्ता (प्रशिक्षक) काे रुपमा डा. कर्ण राना र डाक्टर नारायण बेलावासे रहेका छन् ।
तालिममा जिल्लाका विभिन्न क्याम्पसबाट ३६ जना प्रध्यापकहरु सहभागी रहेकाे र साे तालिमले आजकाे बिज्ञान र प्रविधिकाे चरम विकास र त्यसकाे प्रयाेगकाे दुनियाँमा रमाउँदै/ पछ्याउँदै कसरी सिर्जनात्मक लेखन तथा खाेज अनुसन्धानमुलक गर्ने भन्ने विषयमा काेशेढुङ्गा साबित हाेस् भन्ने उदेश्यले साे तालिमकाे आयाेजना गरिएको बुटवल कालिका क्याम्पसका प्रमुख घनश्याम पाठकले बताए ।
कुशल प्रशासन मार्फत विभित्र रचनात्मक र सिर्जनात्मक कार्य गर्दै गुणस्तरीय उच्च शिक्षा प्रदान गरी सत प्रतिशत सफल नतिजा प्रकाशन तथा भाैतिक पूर्वाधार विकासमा पनि छाेटाे समयमै देशकै चर्चित क्याम्पसकाे रुपमा उदाएकाे छ बुटवल कालिका क्याम्पसमा पछिल्लो समय विद्यार्थीहरुकाे आकर्षण बढिरहेको छ ।
डाटा/ तथ्यांक विश्लेषणकाे अभावमा कुनै पनि विषयवस्तु अधुराे/अपुराे रहन्छ । यसकाे महत्त्वलाई सबै सर्जक तथा खाेज कर्ताहरुले शिराेधार्य गरेमात्र वास्तविक ज्ञान प्रदान गर्न सकिने हुनाले गुणस्तरीय तथ्यांक संकलन र यसकाे विश्लेषणकाे महत्त्व झनै झांगिदै गएकाे सहजकर्ता डाक्टर नारायण बेलवासेले बताए ।
