शाेभाराम रानामगर साउन ११,  घाेराही

वित्तीय मुनाफा आर्जनकाे अलावा विपन्न समुदायको आर्थिक एवं सामाजिक सहयोगकाे हिसाबले विकास बैंकहरुकाे सुचीमा शाइन रेसुङ्गा बैंकले केहि न केही नयाँ र समाजसेवाका कार्यक्रमहरु गरिरहेकाे हुन्छ ।

समाजमा विभिन्नखाले याेगदानका कार्यहरु गर्दै स्थापनाकाे छाेटाे अवधिमा वित्तीय बजारमा राम्रो पहिचान बनाउन सफल यस बैंकले आफ्नाे सामाजिक उत्तरदायित्व अन्तर्गतकाे काेषमार्फत विभिन्न कार्यक्रमहरु गरिरहेकाे छ ।

यसै सिलसिलामा बैंककाे दाङ कलस्टरले दाङकाे घाेराहीमा एक बृद्धाश्रम परिसरमा बैंकको “ग्राे ग्रिन” कार्यक्रम अन्तर्गत वृक्षारोपण कार्यक्रम गरेकाे छ । गत असारमा पनि साे बैंकले घाेराही १५ मा अवस्थित सरस्वती माविलाई कम्प्युटर, प्राेजेकटर लगायतका विभिन्न अत्यावश्यक इलेक्ट्रोनिक उपकरण हस्तान्तरण गरेकाे थियाे ।

शाइन रेसुङगा बैंकको “ग्राे ग्रीन” अर्थात हरियाली बढाउने र पर्यावरण जाेगाउने कार्यक्रम अन्तर्गत घाेराही उपमहानगरपालिका १६ मा अवस्थित जेष्ठ नागरिक सराेकार मञ्चद्वारा संचालित दाैर्पदाकुमारी लाेहनी लक्ष्मीनारायण बृद्धाश्रममा विभिन्न फलफुल तथा अन्य बुट्यानसहित १८ प्रजातिका १ सय बढी बिरुवाहरुकाे वृक्षारोपण गरिएकाे दाङ कलस्टर प्रमुख मेगराज पाेख्रेलले बताएका छन् । वृक्षारोपणमार्फत नै जीवनलाई स्वस्थ्य र पर्यावरणकाे दिगाे सुरक्षा हुने भएकोले आफुहरुले साे कार्यक्रम गरेकाे पाेख्रेलले बताएका छन् ।

उनले पर्यावरण जाेगाउने हरेक मानवकाे दायित्व भएको र त्यस अभियानमा सबै लाग्ने प्रेरणाकाे विकास गर्ने हेतुले साे कार्यक्रम गरिएको बताए ।

कार्यक्रममा नगर प्रमुख नरुलाल चाैधरीकाे प्रमुख सहभागिता रहेकाे थियाे भने सहजीकरण घाेराही शाखा प्रमुख गणेश बुढाथोकीले गरेका थिए। दिर्घ, स्वच्छ र स्वस्थ्य जीवनकाे लागि अनिवार्य रहेकाे पर्यावरणकाे संरक्षण गर्ने जस्ताे पवित्र कार्य गर्ने शाइन रेसुङ्गा बैंकलाई धन्यवाद दिँदै नरुलालले सबैखाले वित्तीय संस्थाहरुले यस्ता खालका रचनात्मक कार्यहरु गर्न आग्रह गरे । उनले हरेक संघ/संस्था वा निकायले गर्ने समाजहित, मानवहित र पर्यावरण हितकाे लागि उपमहानगरपालिका सदैव हातेमालो गर्न तयार रहेकाे बताए । वृक्षारोपण कार्यक्रमकाे अवसरमा त्यहाँ रहेका १७ जना बृद्धबृद्धाहरुकाे लागि फलफूल, किराना तथा अन्य खाद्य सामान पनि प्रदान गरिएको घाेराही शाखा प्रमुख गणेश बुढाथोकीले बताएका छन् ।

आफुहरुले गरिरहेकाे मानवसेवाकाे परिसरभित्र आएर वृक्षारोपण गरेकाेमा संस्थाका अध्यक्ष तथा पूर्व बैङकर भूपाल गिरीले शाइन रेसुङ्गा बैंक परिवार तथा सराेकारवाला सबैलाई आभारसहित धन्यवाद व्यक्त गरे । कार्यक्रममा विभिन्न वडाका अध्यक्ष एवम् पदाधिकारी, शाइन रेसुङ्गा बैङक ८ वटा शाखामध्यका अधिकांश प्रतिनिधि, स्थानीय समाजसेवी तथा पत्रकारहरुकाे उपस्थिति रहेकाे थियाे ।