बन्दरगाह नजिकै कोनाक्रीको कालौम जिल्लामा रहेको सरकारी तेल कम्पनीको मुख्य डिपोमा स्थानीय समयअनुसार सोमबार बिहान घटना भएको हो।
उद्धार सेवाका प्राविधिक निर्देशक ज्याँ ट्राउरेले विदेशमन्त्री र राजदूतहरूसँगको भेटमा ११ जनाको मृत्यु भएको र ८८ जना गम्भीर घाइते भएको बताए।
घाइतेहरूलाई कोनाक्रीका दुई मुख्य अस्पताल इग्नेस दीन र डोन्कामा उपचारका लागि ल्याइएको छ। सत्तारुढ जुन्टाका प्रमुख कर्णेल मामाडी डौम्बोयाले ‘यस कठिन घडीमा राष्ट्रका लागि ऐक्यबद्धता र प्रार्थना’ सबै नागरिकसँग आह्वान गरेका छन्।
सोमबार बिहानआगलागीपछि बाक्लो कालो धुवाँले आकाश भरिएपछि विद्यालय बन्द गरिएको छ। नागरिकलाई घरभित्रै बस्न भनिएको छ।
