१० चैत, प्युठान

देशव्यापी रुपमा पुस्तक बिक्री अभियानमा निस्किएका वैज्ञानिक महावीर पुन यतिबेला प्युठान मा आइपुगेका छन् । पुनलाइ सनिबार लायन्स क्लव अफ प्युठानले जुम्रीमा स्वागत गरेको छ।

प्युठानमा रहेका महावीरले पुस्तक बिक्रीबाट प्राप्त भएको सबै रकम वीरगन्जकाे कृषि औजार कारखाना सञ्चालनमा लगानी गरिने बताएका छन् । पुस्तक खरिदमा देखिएकाे जनसाधारणकाे लहर, सहभागीता र सहयोगले आफू थप उत्साहित भएको बताए ।

आज प्युठानको भिङ्री , चकचके, जुम्री बजार र बाग्दुला लगायतका ठाउँहरुमा पुस्तक बिक्री गरिएको र भोलि खलंगा मल्लरानी हुँदै प्युठानका विभिन्न ठाउँहरुमा पुस्तक बिक्री गरिने पुनले बताए ।

वीरगञ्जकाे कृषि औजार उधोग सञ्चालन गर्नको लागि सहयोगार्थ डाक्टर पुनकाे टीमले विगग ६ महिनादेखि पुस्तक बेचिरहेकाे छ ।