राष्ट्रपतिद्वारा फिर्ता बिधेयक आजकाे प्रतिनिधिसभाको बैठकबाट हुबहु पारित

२०७९ भदौ २ काठमाडौं ।

राष्ट्रपति विद्यादेवी भण्डारीले फिर्ता पठाएको नागरिकता विधेयक प्रतिनिधिसभाको आजको बैठकले जस्ताको तस्तै पारित गरेको छ । प्रतिनिधिसभाले दोस्रोपटक नागरिकता ऐनको संशोधन विधेयक बहुमतले पारित गरेको हो ।

संसद्का दुवै सदनबाट पारित भएपछि प्रमाणीकरणका लागि राष्ट्रपतिसमक्ष पुगेको विधेयक राष्ट्रपति भण्डारीले पुनर्विचारका लागि प्रतिनिधिसभामै फिर्ता पठाएकी थिइन् ।

प्रतिनिधिसभामा आज उपस्थित १९५ सांसदमध्ये विधेयक पारित गर्ने पक्षमा १३५ सांसदले मत दिए भने विपक्षमा ६० सांसदले मत दिए । अब राष्ट्रिय सभाले पनि पारित गरेपछि यो विधेयक दोस्रोपटक राष्ट्रपतिसमक्ष प्रमाणीकरणका लागि पुग्नेछ ।

दोस्रोपटक प्रमाणीकरणका लागि पुगेपछि राष्ट्रपतिले विधेयक प्रमाणीकरण गर्नैपर्ने संवैधानिक व्यवस्था छ । संविधानको धारा ११३ मा त्यस्तो व्यवस्था उल्लेख छ ।

प्रतिक्रिया दिनुहोस !

सम्बन्धित समाचार

© 2024 Pranmancha All right reserved Site By : Himal Creation