ठगी धन्दामा दुई वर्षदेखि फरार अभियुक्त पक्राउ

प्राणमञ्च ब्युराे

प्रकाशित मिति : आइतवार, भदौ २६, २०७९

घाेराही, २६ दाङ ।

लेनदेन काराेबारमा ठगि गर्ने एक अभियुक्तलाई जिल्ला प्रहरी कार्यालय दाङले पक्राउ गरेकाे छ ।

घाेराही उपमहानगरपालिका १२ रमना बस्ने चुमाकुमारी बुढालाई जिल्ला अदालत घाेराहीबाट २०७५ सालमा दुई वर्ष कैद सजाए फैसला भएकाे थियाे ।

हालसम्म पनि फरार रहेकी ३७ वर्षकी चुमाकुमारी बुढालाई घाेराही उपमहानगरपालिका १३ कलमघारी नजिकैबाट शुक्रबार पक्राउ गरिएको र आइतबार अदालतमा पेस गरिएको जिल्ला प्रहरी कार्यालय दाङले जनाएको छ ।