प्यूठान

नौबहिनी गाउँपालिका १ स्याउलिवाङ परम्परागत वर्षे आलु, रायाे तथा मुला खेतीकाे लागि प्रख्यात उर्वर भूमि हाे । प्यूठानको सुदुर उत्तरमा अवस्थित याे क्षेत्रमा सहज यातायातको निरन्तरता नभएकोले जनजीवन कष्टकर छ । हरेक वर्ष यहाँका कृषकले वर्षे आलुकाे राम्रो बजार पाउँछन् र घर खर्चको जाेहाे गर्न मद्दत गर्छ ।

यातायातको राम्रो पहुँच नभएको यस क्षेत्रका स्थानीयलाई आलु उत्पादन गरेसँगै यसको बिक्रीको लागि भने कुनै चिन्ता हुँदैन ।

परम्परागत रुपमा आलु खेती गर्दै आएका कृषककाे आलुले बजारमा राम्रो भाउ पाएपछि यहाँका  किसान खुशी भएका छन।
यहाँ उत्पादन गरिएको करिब ३५ क्विन्टल आलु राम्रो मूल्यसहित बिजुवारमा आइपुगेको छ।

सोमबार दिउसो प्युठान नगरपालिका वडा नम्बर ४ बिजुवार झर्दासम्म करिब ३५ क्विन्टल आलु बिक्री भएपछि  किसान उत्साहित बनेका हुन् । “हामी खुशी छौँ, राम्रो मूल्य पनि पर्‍यो, आलु बिक्दैन कि भन्ने चिन्ता पनि हट्यो,सबै किसानको एउटै चिन्ता थियो, व्यावसायिक रुपमा आलु खेती त गरियो आलु कसरी खपत होला भन्ने तर आलु सोचेभन्दा राम्रो बिक्री भयो खुशी छौँ, नौबहिनी गापालिका वडा नम्बर १ स्याउलिवाङका निम बहादुर पुनले भने।
उनका अनुसार आलु खेती हुने साबिकका सबै वडामा सडक पुगेको छैन । २ वटा वडामा उत्पादन भएको आलु मात्र हो हिजो बिहान ८ बजे ट्याक्टरमा आएको दिउँसो मात्र बिजुवार आइपुगेको थियौ प्रती के जि ५० का दरले आलु बिक्री गरिएको छ ।जिल्ला सहकारी संघ प्युठानका अध्यक्ष सुशील पोख्रेलले  स्याउलिबाङ्गको आलु आएको भनेर सामाजिक सञ्जालमा राख्नेबित्तिकै उपभोक्ता आलु खरिदका लागि आएको पुनले बताए। अहिले ९५ प्रतिशत बिक्री भइसकेको छ”,किसान निमबहादुर पुनले भने ।

आफ्नै घरको प्राङ्गारिक मलको प्रयोग गरी अर्गानिक आलुखेती गर्दै आएको पुनले बताए । उनलेे जटिल सडककाे कारणले यातायातका साधनमा समस्या भएको र सिंचाई, मलखाद, बीउ र सहज बजार समस्याबीचमा आलुखेती गरिरहेकाे बताए ।
खेती नगरे अर्को विकल्प नरहेकाले यस क्षेत्रमा आलु खेतीतर्फको आकर्षण बढेको उनको भनाई छ।