यसरी विकास भएका मुलुकका गाउँको प्राकृतिक र साँस्कृतिक सम्पदामा पर्यटकहरु रमाउँछन् । त्यहाँका बासिन्दाहरुले होटेल, पथ प्रदर्शक, नृत्य, गायन, घरेलु उत्पादनका सामग्री बिक्रीलगायत सरल र सहज माध्यमद्वारा पैसा कमाउँछन् ।

नेहरु पार्क, लोधी गार्डेन, बुद्ध जयन्ती पार्क, सेन्ट्रल पार्क, मुगल गार्डेन, जापानिज पार्क, नेशनल रोज गार्डेन आकर्षक पार्कमध्य पर्दछन् । बंगलादेशको राजधानी ढाकामा राम्ना पार्क छ । त्यहाँ ७१ प्रजातिका फूल, ३६ प्रजातिका फलफूलका रुख र ४१ प्रजातिका अन्य प्रजातीका रुखहरु छन् । ढाकाकै मिरपुरमा राम्ना पार्कभन्दा तीन गुणा ठूलो ८४ हेक्टरमा फैलिएको बोटानिकल गार्डेन छ । ढाकाको चिडियाखानासँगै रहेको यो विशाल गार्डेन बंगलादेशकै सबैभन्दा ठूलो बोटबिरुवा संरक्षित क्षेत्र पनि हो ।

वनस्पति उद्यान फरक फरक स्थानमा पाइने वनस्पतिहरुलाई संग्रह गरेर पार्कहरु बनाईएको हुन्छ । यस्तो पार्कमा वनस्पतिहरुको हर्वेरियम समेत बनाएर राखिएको हुन्छ । वनस्पति उद्यान अर्थात पार्कमा पर्यटकहरुले धेरै किसिमका वनस्पतिहरु देख्न र तिनीहरुको बारेमा अध्ययन गर्न सक्दछन । वनस्पति पार्क विद्यार्थी र अध्येताहरुलाई  लोकप्रिय हुन्छन् । ललितपुरको गोदावरीमा रहेको राष्ट्रिय वनस्पति उद्यान यस्तै किसिमको पार्क हो।

पर्यटनको क्षेत्रमा निजी क्षेत्रको लगानीमा फन पार्क, भ्यूटावर, ड्रिमपार्क र होटलमा निजी क्षेत्रको लगानी भएको छ । पर्यटनको क्षेत्रमा निजी क्षेत्र आकर्षण हुन थालेपछि पर्यटनको पूर्वाधार बढेको छ । घुमफिरको संस्कृति विकास भएको छ । घुमफिरको संस्कृतिलाई ‘क्यास’ गर्दै निजी व्यवसायीहरुले फन पार्क निर्माण गर्न थालेका छन् । पर्यटनको क्षेत्रमा यसलाई सकारात्मक कार्य मान्नुपर्दछ ।