२ असार, प्यूठान
अल्ट्राधावक तथा विश्व पर्वतारोही स्वर्गीय सञ्जय पण्डितको शालिक अनावरण गरिएको छ ।
सञ्जय पण्डित स्मृती प्रतिष्ठान प्यूठानद्वारा आयोजित शालिक अनावरणसंगै प्रतिष्ठान सचिवालय भवनको समेत प्यूठान नगरपालिकाका नगरप्रमुख विष्णु योगीले उद्घाटन गरे ।
प्यूठान नगरपालिका वडा नं ७ स्थित टिकुरी बसपार्क नजिकै रहेको प्रतिष्ठान भवनमा संग्रहालय समेत स्थापना गरिएको प्रतिष्ठानका अध्यक्ष नेगनसिंह कुँवरले जानकारी दिए । स्वर्गीय पण्डितले हिमाल आरोहण गर्दा प्रयोग गरिएका कपडा, औजार, सामाग्री प्रदर्शनीमा राखिएको छ ।
स्व.पण्डितले हिमाल आरोहण गर्दा प्रयोग गरिएका कपडा, औजार, सामाग्रीहरु-
पण्डितले करिब २ हजार २ सय किलोमिटर दूरीको दौड अन्तर्गत स्वर्गद्वारी– काठमाण्डौ, भालुबाङ –गौमुखी, काठमाण्डौ–खासा लगायत लामो दूरीको कृतिमानी दौड पूरा गरेका थिए ।
२०७४ असार २ गते अमेरिकाको अलास्का हिमाल आरोहण गर्ने क्रममा पण्डितको २९ वर्षको उमेरमा लेक लागेर निधन भएको थियो ।
शालिक अनावरण कार्यक्रममा गौमुखी गाउँपालिकाका अध्यक्ष विष्णु कुमार गिरी, प्यूठान नगरपालिकाका पूर्व नगर प्रमुख अर्जुन कुमार कक्षपती, प्यूठान नगरपालिका उपप्रमुख देबेन्द्र बर्मा लगायतको उपस्थिति रहेको थियो ।
