५ असोज, घोराही
दाङको घोराहीमा एक मोटरसाइकल वर्कसपमा आगलागी भएको छ । शनिबार साँझ ५ बजे आगलागी हुँदा वर्कसप सबै जलेर नष्ट भएको छ ।
घोराहीको सहिद गेट नजिकै रहेको मिक्सो मोटरसाइकल वर्कसपमा विद्युतको तार सर्ट भएर आगलागी भएको प्रहरीले अनुमान गरेको छ ।
आगलागीबाट कुनै मानवीय क्षति नभए पनि वर्कसप भित्र रहेकोे सम्पुर्ण सामग्री जलेर नष्ट भएको प्रहरीले जनाएको छ । क्षतिको विवरण पुरा विवरण एकिन नभएपनि झण्डै ६० लाख बराबरकाे माेटर पार्टहरु मात्रै जलेर नष्ट भएको मिक्साे माेटरसाइकल वर्कसपका सञ्चालन साेमनाथ थापाले प्राणमञ्चसँग बताए ।
नेपाल प्रहरी, सशस्त्र प्रहरी, नेपाली सेना तथा स्थानीयकाे सहयाेगमा घाेराही नगरकाे वारुणयन्त्रले आगो नियन्त्रणमा लिइसकेकाे जिल्ला प्रहरी कार्यालय दाङले जनाएकाे छ ।
