हङकङ सिक्सेस: अस्ट्रेलियाविरुद्ध नेपालको ऐतिहासिक जित

प्राणमञ्च ब्युराे

प्रकाशित मिति : शनिबार, कार्तिक १७, २०८१

१७ कार्तिक, काठमाडौं

नेपालले ‘हङकङ सिक्सेस’को दोस्रो खेलमा अस्ट्रेलियालाई ११ रनले हराएको छ ।

११२ रनको लक्ष्य पछ्याएको अस्ट्रेलियाले निर्धारित ६ ओभरमा १०० रन मात्रै बनाउन सक्यो । नेपालका लागि प्रतिस जिसीले ३ विकेट लिए ।

टस हारेर पहिले ब्याटिङ गरेको नेपालले निर्धारित ६ ओभरमा २ विकेट गुमाएर १११ रन बनाएको थियो । नेपालका लागि सन्दीप जोराले अर्धसतक प्रहार गरे ।यस्तै लोकेश बमले १३ बलमा ३३ रन बनाए । अस्ट्रेलियका ज्याक हुडले २ विकेट लिए ।

हङकङ सिक्सेसमा नेपाल एक खेलअघि नै क्वार्टरफाइनल प्रवेश गरिसकेको थियो । यो जितसँगै नेपाल समूह विजेता बनेको छ ।