दुई मोटरसाइकल ठोक्किँदा एकजनाको मृत्यु, एक गम्भीर घाइते

१९ कार्तिक, काठमाडौं 

बाँकेको नेपालगञ्जमा दुई मोटरसाइकल ठोक्किँदा एकजनाको मृत्यु भएको छ। एकजना गम्भीर घाइते छन्।

दुर्घटनामा नेपालगञ्ज-६ बस्ने २६ वर्षीय अमनकुमार कसौधन (गुप्ता) को मृत्यु भएको हो। नेपालगञ्ज- ११ बस्ने १८ वर्षीय एहसान शेख गम्भीर घाइते छन्।

प्रहरीका अनुसार आइतबार राति  नेपालगञ्ज- ४ बाइपासबाट गणेशपुरतर्फ जाँदै गरेको भे ६ प ८०२ नम्बरको मोटरसाइकल र विपरीत दिशाबाट आएको ज ३ प ७१७१ नम्बरको मोटरसाइकल ठोक्किएका हुन्।

गम्भीर घाइते कसौधनलाई नेपालगञ्जस्थित एक नर्सिङ होम लगिएको थियो। आइतबार राति नै चिकित्सकले कसौधनलाई मृत घोषणा गरेका थिए।

भेरी अस्पतालमा उपचार हुन नसकेपछि घाइते शेखलाई परिवारले भारतको लखनऊ लगेको प्रहरीले जनाएको छ।

प्रतिक्रिया दिनुहोस !

सम्बन्धित समाचार

© 2025 Pranmancha All right reserved Site By : Himal Creation