ट्रक दुर्घटनामा दुई जनाको मृत्यु, २ घाइते

१० मंसिर, चितवन 

चितवनको नारायणघाट–मुग्लिन सडकखण्डमा ट्रक पल्टिएर दुर्घटना हुँदा २ जनाको मृत्यु भएको छ। दुर्घटनामा २ जना घाइते भएका छन्।

नारायणगढबाट मुग्लिङतर्फ जाँदै गरेको बागमती प्रदेश ०३-००१ ख ३४९० नम्बरको ट्रक आइतबार बेलुका ६ बजेतिर चितवनको नौ किलोमा दुर्घटना भएको थियो।

दुर्घटनामा परि मकवानपुरको मकवानपुरगढी गाउँपालिका–६ बस्ने ३८ वर्षीय श्याम बजगाईं र सोही ठाउँका ३१ वर्षीय दीपक दाहालको भरतपुर अस्पतालमा मृत्यु भएको जिल्ला प्रहरी कार्यालय चितवनका डीएसपी ज्ञानकुमार महतोले जानकारी दिए।

उनीहरु दुवैजनालाई च्यापिएको अवस्थामा उद्धार गरेर भरतपुर अस्पताल पुर्‍याइएको थियो। दुर्घटनामा घाइते दुई जनाको अहिले उपचार भइरहेको छ भने एक जना सकुशल छन्।

दुर्घटनापछि फरार रहेका  मकवानगढी गाउँपालिका ६ का २६ वर्षीय दिनेश पुडासैनीलाई आज बिहान ५ बजे नियन्त्रणमा लिइएको डीएसपी महतोले बताए।  ट्रकमा चालकसहित ६ जना सवार रहेका थिए।

प्रतिक्रिया दिनुहोस !

सम्बन्धित समाचार

© 2025 Pranmancha All right reserved Site By : Himal Creation