चीनतर्फबाट आएको बाढीले रसुवास्थित नेपाल–चीन जोड्ने मितेरी पुल बगाएको छ ।
भोटेकोशी नदीमा आएको बाढीले मितेरी पुल बगाएको हो । बाढी बिहान ३ बजे आएको हो ।
बाढीले भन्सार (ड्राइपोर्ट) क्षेत्रमा पनि क्षति पुर्याएको सहायक प्रमुख जिल्ला अधिकारी ध्रुवप्रसाद अधिकारीले जानकारी दिए । त्यहाँ जाँचपासका लागि राखिएका ईभी गाडीहरु पनि बगाएको खबर आएको उनले बताए ।
केही व्यक्तिहरूलाई उद्धार गरिएको छ ।
बाढीले रसुवागढी जलविद्युत आयोजनाको संरचनामा पनि क्षति पुगेको छ ।
जिल्ला प्रशासन कार्यालयले अचानक बाढी आएकाले तल्लो तटीय क्षेत्रमा सतर्कता अपनाउन भनेको छ ।
