२३ चैत, काठमाडौं

इरानले कुवेतमा रहेको अमेरिकी सैन्य अड्डालाई निशाना बनाएर मिसाइल र ड्रोन हमला गरेको छ । इरानले यो हमलाबाट अमेरिकी हेलिकोप्टर ह्यांगर र सैनिक बस्ने क्षेत्रमा व्यापक क्षति भएको जनाएको छ । इरानी पक्षले यो हमला पछिल्लो समयमा इरानमाथि भएको हमलाको जवाफ भएको बताउँदै आगामी दिनमा दुस्मनलाई कडा सबक सिकाउने चेतावनी पनि दिएको छ ।
इरानको खातम अल–अनबिया मुख्यालयका प्रवक्ताका अनुसार यो हमलामा अमेरिकाको स्याटेलाइट सिस्टम र गोलबारुदलाई निसाना बनाइएको हो ।

इरानले अमेरिकी सेनाले पहिले अरिफजान क्याम्पबाट हटाएर बुबियान द्विपमा तैनाथ गरेको स्याटेलाइट र गोलाबारुद समेत त्यही हमला गरी क्षति पुर्‍याएदिएको हो । अमेरिकाले इरानी हमलाबाट बच्न यसलाई अरिफजानबाट बुबियानमा सारेको थियो । तर इरानी हमलाबाट बच्न भने सकेन ।

यसअघि कुवेतको स्वास्थ्य मन्त्रालयले हमलापछि खसेको टुक्रा लागेर उत्तरी कुवेतमा ६ जना घाइते भएको जनाएको थियो ।