४ पुस, प्युठान

प्यूठानमा शुक्रबारदेखि भित्रिकोट महोत्सव हुने भएको छ।

१७ गतेसम्म प्यूठान नगरपालिका -७ टिकुरी बसपार्कमा ‘प्रथम भित्रिकोट प्युठान महोत्सव’ हुन लागेको हो।

महोत्सवको आयोजकमा प्यूठान उद्योग वाणिज्य संघ प्यूठान नगर बजार क्षेत्र छ भने सहयोगी संस्थामा औद्योगिक शान्ति नेपाल छ।

महोत्सवमा दैनिक स्रोता-दर्शकले रूचाएका कलाकारहरूको प्रस्तुति हुनेछ। स्थानीय उत्पादन, कृषि, घरेलु, महिला उद्यमी, हस्तकलाका उत्पादनको प्रदर्शनी तथा वितरण हुनेछ। वालउद्यान तथा अन्य व्यापारिक स्टल समेत हुनेछन्।

महोत्सवमा राष्ट्रिय स्तरका चार दर्जन बढी कलाकारहरूले प्रस्तुति दिनेछन्। स्थानीय कलाकार समेत गरेर १ सय हाराहारी कलाकारहरूको प्रस्तुति रहने महोत्सव व्यवस्थापक अनित विष्टले बताए।

महोत्सवको तयारी अन्तिम चरणमा पुगेको जनाइएको छ।