८ साउन, काठमाडौं
बाजुरामा जीप दुर्घटना हुँदै दुई जनाको घटनास्थलमै मृत्यु भएको छ।
हिमानी गाउँपालिका–५ को क्युडीदेखि कुवाडी जाँदै गरेको बा.प्र. ०३–००१ ज ०३३८ नम्बरको जीप क्युडीमा दुर्घटना भएको जिल्ला प्रहरी कार्यालयका सूचना अधिकारी प्रहरी निरीक्षक देवबहादुर चौधरीले जानकारी दिए।
मृत्यु हुनेमा सन्नीगडा भन्ने स्थानका समान ७५ वर्षीय बजा रोकाया र बिजोरा रोकाया छन्। उनीहरुको घटनास्थलमै मृत्यु भएको हो।
जीप घटनास्थलबाट २५० मिटर तल खसेको छ। दुर्घटनाग्रस्त जिपमा २६ जना सवार रहेको र १५ जना घाइते भएको जानकारी आएको तर, घटनाको थप यकिन विवरण आइनसकेको चौधरीको भनाइ छ। प्रहरीको टोली भर्खर मात्र घटनास्थलतर्फ गएको छ।
