१९ असार, प्युठान
प्युठान देखि काठमाण्डौंका लागि एसी बस सञ्चालनमा आएको छ।
नमस्ते प्यूठान यातायात सेवा प्रालिले प्यूठान देखि काठमाण्डौका लागि एसी बस सेवा सञ्चालन गरेको हो।
झण्डै तीन दशकदेखि प्युठान-काठमाडौं गाडी चलेपनि यात्रुहरुले स्तरीय सेवा नपाएको गुनासाे छ । अब एसी बससँगै गुणस्तरीय सेवा दिने र प्युठानको यातायात सेवालाई नयाँ उचाइ प्रदान गरिने नमस्ते प्युठान यातायात प्रालिका अध्यक्ष लिलापसिंह केसीले प्राणमञ्चसँग बताए ।
नमस्ते प्यूठान यातायात सेवा प्रालि प्यूठानले पहिलो चरणमा ३ वटा एसी बस सेवा मार्फत सेवा दिन लागेको बताएकाे छ ।
विट सेवाका सञ्चालक टंक थापा, प्युठान नगरपालिका वडा नम्बर ८ का पुर्व वडाध्यक्ष समेत रहेका व्यवसायी लिलापसिंह केसी र दिपेन्द्र बहादुर कुंवरले गाडी प्युठानमा भित्र्याइसकेकाे र केही दिनमै सञ्चालनमा ल्याउने तयारी भइरहेकाे समितिका महासचिव मुकेश थापाले जानकारी दिए ।
यातायात र यात्रुको सुबिधालाई मध्यनजर गर्दै प्युठान देखि काठमाण्डौ सम्म अब देखि नमस्ते प्यूठान यातायात सेवा प्रालि प्यूठानले पहिलो चरणमा ३ वटा महाप्रभु एसी सस्पेन्सन बस सेवा मार्फत सेवा दिन लागेको थापाले जानकारी दिए ।
एसी बसमा अब प्युठानबाट काठमाडौं रु २ हजारमा पुगिने छ ।
