६ पुस, प्युठान
नौबहिनी गाउँपालिको वाडा स्तरीय दोस्रो अध्यक्ष कप आज सम्पन्न भएको छ । नौबहिनी गाउँपालिका खेलकुद विकास समितिको आयोजना तथा गाउँपालिकाको आर्थिक सहयोगमा पुष ४ देखि सुरु भएको प्रतियोगिता आज सम्पन्न भएको हो ।
अध्यक्ष कप प्रतियोगिता अन्तरगत अन्तर वडा स्तरीय महिला तथा पुरुष भलिबल प्रतियोगितामा पुरुष तर्फ प्रथम नौबहिनी-७, द्वितीय नौबहिनी-५, तृतीय नौबहिनी-३ र सान्त्वना नौबहिनी-२ भएको हो।
त्यस्तै महिला तर्फ प्रथम नौबहिनी-१, द्वितीय नौबहिनी-५, तृतीय नौबहिनी-४ र सान्त्वना नौबहिनी-३ भएको हो ।
प्रतियोगितामा पुरुष तर्फ उत्कृष्ट खेलाडी नौबहिनी-७ का हिमाल कुवर, वेस्ट स्पाइकर नौबहिनी-५ का अर्जुन पल, वेस्ट सेटर नौबहिनी-७ का गंगाराम कुवर, वेस्ट लिब्रो नौबहिनी-२ का रबिन घर्ती मगर
त्यस्तै महिला तर्फ उत्कृष्ट खेलाडी नौबहिनी-१ का सञ्जु घर्ती मगर, वेस्ट स्पाइकर नौबहिनी-५ की आयुष्मा बिष्ट, वेस्ट सेटर नौबहिनी-३ का मनिषा पुन मगर, वेस्ट लिब्रो नौबहिनी-५, की चमेली थापा मगर भएकी हुन् ।
