इजरायली सेनाले सर्वसाधारणलाई तटीय रशिद रोड र सलाह अल–दिन रोड हुँदै आवतजावत गर्न अनुमति दिएको घोषणा गरेपछि विस्थापित प्यालेस्टिनीहरू गाजापट्टीको दक्षिणी भागबाट उत्तरतिर फर्कन थालेका छन्। इजरायलको आक्रमणले छिया छिया बनेको गाजा क्षेत्रमा नागरिकहरूले आफ्ना सरसामान लिएर फर्किरहेको पश्चिमा सञ्चारमाध्यमले जनाएका छन्।
इजरायल र हमास बीचको युद्धविराम सम्झौता लागू भएको केही समयपछि नागरिकहरूको आवागमन शुरु भएको हो।
जसले दुई वर्षदेखि चलिरहेको द्वन्द्वको अन्त्य गर्यो। जसले दशौं हजार मानिसहरूको मृत्यु भएको र एन्क्लेभमा व्यापक विनाश निम्त्याएको छ। इजरायल रक्षा बलले सम्झौताका शर्तहरू र बन्दीहरूको फिर्तीको ढाँचाअनुसार आफ्ना सेनाहरू नयाँ लाइनहरूमा पुनः तैनाथ गरिएको बताएको छ।
दक्षिणी कमान्ड अन्तर्गतका सेनाहरूले परिस्थितिको निगरानी गर्न र इजरायलको सुरक्षामा हुने कुनै पनि तत्काल खतराको जवाफ दिन जारी राख्नेछन्। गाजाका बासिन्दाहरूलाई पठाएको सन्देशमा सेनाका प्रवक्ता अविकाय अद्राईले इजरायली सेनाहरू गाजापट्टी भित्रका विशिष्ट क्षेत्रहरूमा तैनाथ रहने र अर्को सूचना नभएसम्म सैन्य स्थलहरूमा नपुग्न नागरिकहरूलाई चेतावनी दिएका छन्।
उत्तरमा बेत हानौन, बेत लाहिया र अल–शुजाइया, साथै दक्षिणमा रफाह र फिलाडेल्फी करिडोरलाई उच्च जोखिमयुक्त क्षेत्रको रूपमा वर्णन गर्दै नागरिकहरूलाई शतर्क गराए। आड्राईले बासिन्दाहरूलाई समुन्द्र र सीमा क्षेत्रबाट टाढा रहन आग्रह गर्दै आगामी दिनहरूमा माछा मार्ने वा पौडी खेल्नेविरुद्ध शतर्क रहन आग्रह गरे। स्थानीय सुरक्षा स्रोतहरू र प्रत्यक्षदर्शीहरूले युद्धविराम लागू भएपछि गाजा पट्टीमा गोलाबारी र गोलीबारी पूर्ण रूपमा बन्द भएको बताएका छन्।
महिनौंपछि पहिलो पटक गाजा शहर, मध्य क्षेत्र, खान युनिस र रफाहमा सावधानीपूर्वक शान्ती छाएको छ। आगामी दिनहरूमा २० जीवित बन्धक र २८ शवहरू रिहा गरिनेछ। सम्झौता अन्तर्गत इजरायली सेनाले लडाई रोक्नेछ र गाजा पट्टीबाट आंशिक रूपमा फिर्ता हुनेछ।
हमासले इजरायलले २ हजार भन्दा बढी प्यालेस्टिनी बन्दीहरूलाई रिहा गर्ने बदलामा बाँकी रहेका सबै बन्दीहरूलाई रिहा गर्नेछ। गाजा स्वास्थ्य अधिकारीहरूकाअनुसार दुई वर्षको इजरायली हमलाले गाजालाई भग्नावशेषमा पारेको छ। अनिकाल निम्त्याएको छ र ६७ हजार भन्दा बढी मानिसहरूको मृत्यु भएको छ।
