प्युठान ।प्युठान नगरपालिकाका प्रवक्ता एवम् वडा नं-३ का वडाध्यक्ष सुमनराज श्रेष्ठले विपन्न परिवारलाई टिन हस्तान्तरण गर्नुभएको छ।
प्रवक्ता श्रेष्ठले शुक्रबार साँझ ४:३० को समयमा प्युठान नगरपालिका वडा नं-२ निवासी कमारो राउतलाई २८ पाटा आरती सिल्भर साईन ब्राण्डको टिन हस्तान्तरण गर्नुभएको हो।उक्त टिन हस्तान्तरण कार्यक्रममा बोल्दै प्रवक्ता श्रेष्ठले नगरपालिकामा भएका जुनसुकै समस्याहरुको सबैले हातेमालो गर्दै समाधान गर्नुपर्ने बताउनुभयो।लामो समय भारतमा नोकरी गर्दै आउनुभएका कमारो राउतलाई आफ्नो पहलमा साथिभाईको सहयोगबाट टिन हस्तान्तरण गर्दा राउतको अनुहारमा खुशी छाएको श्रेष्ठले बताउनुभयो। टिनको लागत खर्च ३५ हजार बढी लागेको समेत श्रेष्ठले बताउनुभयो।उहाँले भन्नुभयो”जनप्रतिनिधिहरु भनेको जनताका सेवक हो हामी सेवक नै रहनुपर्छ।”
उक्त हस्तान्तरण कार्यक्रममा नगरप्रवक्ता सुमनराज श्रेष्ठ,वडा नं-२ का वडाध्यक्ष मोहनबहादुर बिष्ट,सोही वडाकी वडा सदस्य एवं कार्यपालिका सदस्य गायत्री बिष्ट रावत, नगरप्रमुखका स्वकीय सचिव पुष्कर शर्मा,नेकपा माओवादी केन्द्र प्यूठान नगरकमिटिका उपाध्यक्ष हरी बिएम,२ नं वडाका वडाकमिटी अध्यक्ष बाबुराम पोख्रेल,युवा व्यावसायी मीन बहादुर कुवर,कृष्ण खडका लगायत स्थानीयहरुको उपस्थिति रहेको थियो।
राहत स्वरुप टिन पाएपछी राउतले नगरप्रवक्ता श्रेष्ठलाई धन्यवाद दिदै स्थानीय सरकार जनताको साथमा रहेको बताउनुभयो।१८ वर्षसम्म भारतमा नोकरीको सिलसिलामा रहेका राउतको ४ जनाको परिवार रहेको र उहाँ अहिले जेठो दाजु लाटो राउतको घरमा बस्दै आएको वडा सदस्य एवम् कार्यपालिका सदस्य गायत्री बिष्ट रावतले बताउनुभयो।
