१८ माघ, प्युठान
प्युठानमा एक वृद्धको रहस्यमय मृत्यु भएको छ।
जिल्लाको गौमुखी गाउँपालिका ५ खुङ्गका ६९ वर्षिय चिन्तामणी उपाध्यायको रहस्यमय मृत्यू भएको छ । उपाध्यायलाई शुक्रवार विहान फुसेधारा मोटरबाटोमा चोटलागेको अवस्थामा मृत फेलापरेको वडा अध्यक्ष बरुणध्वज मल्लले जानकारी दिए ।
पारिवारीक स्रोतका अनुसार वेलुकी खाना खाएर कोठामा सुत्न गएको तर विहान एक्कासी यस्तो घटना भएको बताईएको छ । विहान बाटो हिड्ने क्रममा स्थानीयले शव देखेर परिवारलाई खवर गरेका थिए । कसैले हत्या गरेर फालेको हुन सक्ने परिवारले आशंका गरेको छ ।
घटना लगत्तै स्थानीय जनप्रतिनिधि, इलाका प्रहरी कार्यालय पुँजाको टोली सम्वन्धीत स्थानमा पुगेको छ । यस्तै जिल्ला प्रहरी कार्यालय प्यूठानवाट थप अनुसन्धानका लागि समेत प्रहरी पुगेको वडा अध्यक्ष मल्लले बताए।
