१३ फागुन, प्युठान
प्युठानको नौबहिनी गाउँपालिकाले गाउँपालिका नगर प्रहरी भर्ना गरेको छ ।
गाउँपालिका नगर प्रहरी व्यवस्थापन कार्यविधी २०८० बनाएर एकजना असई र दुई जना जवान गरि तीन जना नगरप्रहरी भर्ना गरेको हो । एक महिनाको तालिम पश्चात् गाउपालिका अध्यक्ष दिलबहादुर थापाद्वारा उनीहरूलाई दज्र्यानी चिन्ह प्रदान गर्दै आजदेखी काममा खटाएको हो ।
आइतबार एक कार्यक्रमका बीच भर्ना भएका नगरप्रहरीहरुलाई दिक्षान्त समारोह गरि औपचारिक रूपमा कामकाजमा खटाएको पालिका प्रमुख प्रशासकीय अधिकृत शिवराज पौडेलले जानकारी दिनुभयो ।
उनिहरुले पालिका क्षेत्रको रेखदेख गर्नेछन् ।
