१२ माघ, रोल्पा

सुनिलस्मृति गाउँपालिका स्थित चन्द्रप्रभा माध्यमिक विद्यालय मिझिङमा शुक्रबार विविध कार्यक्रम गरेर अन्तराष्ट्रिय शिक्षा दिवस भव्यताकासाथ सम्पन्न गरिएको छ । प्राविका विद्यार्थीहरु माझ विविध खेलकुद र आधरभूत र माध्यमिक तहका विद्यार्थीहरुमाझ मानव जीवनमा शिक्षाको महत्व विषयक वक्तृत्व कला प्रतियोगिता आयोजना गरिएको हो ।

चकलेट दौड प्रतियोगितामा कक्षा चारबाट सरु रोकामगर, सोनिया बिष्ट, र उत्तम सुनार क्रमशः प्रथम, द्धितीय र तृतीय स्थान हाँसिल गरेका थिए भने पाँचबाट अभिषेक बिष्ट, प्रबिन पुनमगर र विकास बिष्ट क्रमशः प्रथम, द्धितीय र तृतीय भएका थिए । त्यसैगरी आधारभूत स्तरीय वक्तृत्वकला प्रतियोगितामा बर्षा बिष्ट, तुलसा बिष्ट र जनक नेपालीले क्रमशः प्रथम, द्धितीय र तृतीय स्थान हाँसिल गरेका थिए । माध्यमिक तह स्तरीय सोही प्रतियोगितामा गोबिन्द बिष्ट, केशब थापा र आशिका बिष्टले क्रमशः प्रथम, द्धितीय र तृतीय स्थान हाँसिल गरेका थिए ।

उक्त प्रतियोगितामा विजयी विद्यार्थीहरुलाई एक कार्यक्रमका बीच विविध शैक्षिक सामग्रीहरु प्रदान गरेर विद्यालय व्यवस्थापन समितिका अध्यक्ष केशरकुमार विष्ट, समितिका कानुनी सल्लाहकार फत्ते प्रचण्ड घर्तीमगर र प्रधानअध्यापक रत्नलाल सुवेदीद्धारा पुरस्कृत गरिएको थियो । वक्तृत्व कला प्रतियोगितामा आधारभूत र माध्यमिक तहबाट ३५ जना विद्यार्थीहरुको उत्साहजनक सहभागिता रहेको थियो ।

विद्यालयका शिक्षकहरु ओमप्रकाश विष्ट, जितबहादुर वली, घनश्याम अस्तित्व, सीता शर्मा, विद्युतजंग ठकुरी, पुण्यप्रसाद चौधरी, दुर्गा रोका लगायतले विद्यार्थीहरुलाई वर्तमान मानव जीवनमा शिक्षाको महत्वलाई विद्यार्र्र्थीहरुमाझ प्रष्टाएका थिए । कार्यक्रम विद्यालयको अतिरिक्त क्रियाकलाप संयोजक जानकी बुढाथोकीको अध्यक्षता, प्रधानअध्यापक रत्नलाल सुवेदीको प्रमुख आतिथ्यता र घनश्याम अस्तित्वको सहजिकरणमा सम्पन्न भएको हो । विद्यालयले आयोजना गरेको कार्यक्रमलाई सहास नेपाल नामक संस्थाले आर्थिक सहयोग उपलब्ध गराएको थियो ।