१५ कात्तिक,. काठमाडौं
प्रस्तावित कम्युनिस्ट पार्टी नेपालका महासचिव विप्लवले नयाँ कम्युनिस्ट केन्ल्र निर्माणको अपरिहार्यता रहेको बताएका छन् ।
कम्युनिस्ट आन्दोलनबारे सामाजिक सञ्जाल फेसबुकमा धारण प्रस्तुत गर्दै उनले यस्तो बताएका हुन् । विप्लवले ४ बुँदामा आफ्नो धारणा राखेका छन् ।
कम्युनिस्टहरूका बीचमा मोर्चाबन्दी जरुरी रहेको, कम्युनिस्टहरूबीच वैचारिक, सैद्धान्तिक, व्यवहारिक बहसहरू आवश्यक छन रहेको उनको भनाइ छ ।
उनले एकता नाममा पार्टीहरू खप्टिने र उप्किने तरिका निकै थोत्रो भइसकेको बताउँदै यसमा रमाउन नसकिने पनि बताएका छन् । उनले यो व्यङ्ग्य मात्रै भएको टिप्पणी गरेका छन् ।
आफ्नो पार्टीबाट फुटेर चिरन सीलगायतले माओवादी केन्द्रसँग एकता गर्न लागे पनि उनले यस्तो टिप्पणी गरेका हुन् । माओवादी र एकीकृत समाजवादीसहितका दलहरुले यसै साता एकता गर्ने तयारी गरेका छन् ।
