१० मंसिर, रौतहट

वाम विश्लेषक तथा लेखक रोशन जनकपुरीलाई पत्नी वियोग परेको छ । उनकी ६८ वर्षीया श्रीमती विमलादेवी कर्ण विगत ६ महिनदेखि क्यान्सरजस्तो प्राणघातक रोगको संक्रमण पुष्टि भएसँगै उपचार चलिरहेको थियो ।

रौटहतको जनकपुरनिवासी उहाँको क्यान्सरको पहिलो चरणको उपचार हुदैगर्दा अचानक फोक्सोको निमोनिया भएपछि बचाउन नसकिएको रोशन जनकपुरीले बताएका छन् । तत्कालीन जनयुद्धकालमा भुमिगत जीवन बिताएका जनकपुरी देशका राष्ट्रिय स्तरका नयाँपत्रिका, कान्तिपुरलगायतका दैनिक पत्रिका तथा प्राणमञ्च मासिकमा नियमित स्तम्भ लेख्ने नियमित स्तम्भकारसमेत् हुन ।

उनले विगत ४ दशकदेखि विश्व तथा नेपालको समसामयिक विषय, देशको राष्ट्रिय स्वधीनता, जनजिविकाका सवाल तथा निमुखा वर्गको पक्षमा निरन्तर लेख्दै र बौदै आएका छन् । प्रगतिशील संस्कार अंगालिरहेको जनकपुरी स्पष्ट माक्र्सवादी विचारकसमेत हुन् । क्यान्सरलाई जितिरहेको उनको शरीरले निमोनियालाई भने परास्त गर्न सकेन ।

श्रीमतीको निधनले जनकपुरीलाई अपुरणीय क्षेति बेहोर्नुपरेको छ । पुरीका अनुुसार पहिचानमै समस्या हुने झण्झटिलो क्यान्सरको उपचारमा श्रीमतीको राम्रो सुधार भएपनि चिकित्सकीय लापरबाहीका कारण निमोनिया जस्तो सामान्य समस्याले मृत्यु हुँदा निकै दुख लागेको बताएका छन् । उनको मंसिर ९ गते सुरेश वाग्ले मेमोरियल अस्पतालमा निधन भएको र साँझ पशु्पति आर्यघाटमा विद्युतिय प्रविधिमार्फत अन्त्यस्टी गरिएको पारिवारीक स्रोतले जनाएको छ । माक्र्सवादी लेखक रोशन जनकपुरीको परिवारले हिन्दु धार्मिक परम्परामा विद्यमान कुरिती नमान्ने भएकोले निजको परिवारमा काजकिरियाका कुनै काम नगरिने परिवारले जनाएको छ । आफ्ना हरेक कठीन मोडहरुमा श्रीमतीको बलियो साथ रहेको जनकपुरी बनाउने गर्छन् ।
उनका एक छोरा एक छोरी रहेका छन् ।