दाङको भालुबाङस्थित एक होटलमा बास बसेका पुरुष मृत अवस्थामा फेला परेका छन्।
इलाका प्रहरी कार्यालय भालुबाङका अनुसार मृतक दार्चुला, महाकाली नगरपालिका–१ का ५२ वर्षीय जयधनसिंह बराल हुन्। उनी सोमबार बेलुकी भालुबाङ पुल्चोकस्थित न्यु थापा होटलमा बास बसेका थिए। मंगलबार राति करिब ८ बजे मृत्यु भएको सूचना प्रहरीलाई आएको थियो।
शवलाई आवश्यक प्रक्रिया पूरा गरी पोष्टमार्टमका लागि लमही पठाउने तयारी भइरहेको इलाका प्रहरी प्रमुख पुष्करसिंह ऐरीले बताए।
मृत्युको कारण खुल्न बाँकी रहेको र घटनाबारे थप अनुसन्धान भइरहेको प्रहरीले जनाएको छ।
