१० माघ, रोल्पा
आफूले अध्ययन गरेको विद्यालय चन्द्रप्रभा मावि, सुनिलस्मृति-३ मिझिङ, रोल्पालाई आफूले सकेको आर्थिक सहयोग गर्दै विद्यालयका पूर्व विद्यार्थी, समाजसेवी, राजनीतिकर्मी, शिक्षाप्रेमी एवंम बौद्धिक व्यक्तित्वहरु बमबहादुर पुनमगर र इन्द्रबहादुर महराले आफ्नो जन्मदिन मनाएका छन् ।५५ बर्ष पुगेको अवसरमा पुनले विद्यालयलाई ५५०० र महराले ४६ बर्ष पुगेको अवसरमा ४६०० प्रदान गर्दै जन्मदिन मनाएका हुन् ।
विद्यालयमा नयाँ तरिकाले जन्मदिन मनाउने नयाँ संस्कारको प्रारम्भ गरेकोमा बमबहादुर पुन र इन्द्रबहादुर महरालाई विद्यालय व्यवस्थापन समितिका अध्यक्ष केशरकुमार बिष्टले धन्यवाद व्यक्त गरेका छन् । अब यो कार्य एक अभियानकै रुपमा अगाडी बढेको छ ।
“जन्मोत्सवको नयाँ अभ्यास, सत्कर्मको प्रयास” भन्ने मुख्य भावकासाथ यसको प्रारम्भ गरिएको छ । विद्यालयका पूर्व विद्यार्थी, शिक्षाप्रेमी, बौद्धिक व्यक्तित्व, समाजसेवी, राजनीतिकर्मी, शिक्षक, विद्यार्थी एवम् सम्पूर्ण अभिभावकहरुलाई यो अभियानमा हातेमालो गर्नकालागी अध्यक्ष बिष्टले विनम्र अनुरोध गरेका छन्।
